Urdu

عرصہ دراز سے ہمارا خاندان پاکستان بھر میں ضرورت مند لوگوں کی مدد کر رہا ہے۔ ہم نے کامیابی کے ساتھ ایک 10 بستروں پر مشتمل چیریٹی ہسپتال ، ایک مسجد ، دو پیشہ وارانہ تربیتی مراکز ، ایک بچوں کا پارک ، ایک لڑکیوں کا سکول اور ایک پارک میں خواتین کے لیے ایک مصلے قائم کیا ہے۔ اسی طرح ہم نے میڈیکل کیمپ ، آئی کیمپ اور خواتین میں 300 سلائی مشینوں کی تقسیم کا اہتمام کیا۔ دور دراز علاقوں میں مہارت رکھنے والی خواتین کا انتخاب کیا گیا ، سلائی مشینوں کی تقسیم کا مقصد خاندانوں کو اپنے پاؤں پر کھڑا کرنا تھا۔

لہذاہمارے خاندان نے ایک تنظیم ”این جے ویلفیئر ٹرسٹ “قائم کرکے ضرورت مند لوگوں کی مدد کرنے کا فیصلہ کیا۔ تاکہ اللہ رب العزت کو راضی کیا جا سکے۔ ہم دعا کرتے ہیں کہ جنہوں نے ماضی میں ہماری مدد کی اور جو نیک مقصد کے لیے ہمارا ساتھ دیں انہیں اللہ رب العزت اجر عظیم عطا فرمائے

این جے ویلفیئر ٹرسٹ بے سہارا لوگوں کو ایک متحرک کاروباری افراد میں تبدیل کرنے پر یقین رکھتا ہے ، جس کے تحت مفلوک الحال طبقے کو معاشرے کے ایک معزز طبقے میں تبدیل کیا جاتا ہے جو اپنی حالت کو خود سدھارتے ہیں اور معاشرے میں فعال کردار ادا کرتے ہیں۔

ہم انفرادی صلاحیت اور معاشی صورتحال کو مدنظر رکھتے ہوئے “فی سبیل اللہ” کاروبار قائم کرتے ہیں تاکہ پورا خاندان ترقی کرے۔ این جے ٹرسٹ کی طرف سے کی جانے والی سرمایہ کاری قرض نہیں ہے ، تاہم مستفیض حضرات کو چاہئے کہ اس نیک مقصد میں ٹرسٹ کا بازو بنیں